سه‌ره‌تا ئه‌هلی به‌هه‌شت له‌ نێو خۆیاندا گفتو گۆ ده‌که‌ن وه‌ك خوای په‌روه‌ردگار بۆمان باس ده‌کات.

یه‌که‌م: گفتوگۆی ئه‌هلی به‌هه‌شت له‌ نێوخۆیاندا

 

" فَأَقْبَلَ بَعْضُهُمْ عَلَى بَعْضٍ يَتَسَاءَلُونَ (50) قَالَ قَائِلٌ مِنْهُمْ إِنِّي كَانَ لِي قَرِينٌ (51) یه‌کێکیان مۆڵه‌ت له‌ یه‌کێکی تریان ده‌خوازێت و ده‌ڵێت کاتی خۆی من له‌ دوونیادا هاوڕێیه‌کم هه‌بوو زۆر جار ده‌یوت يَقُولُ أَئِنَّكَ لَمِنَ الْمُصَدِّقِينَ (52) أَئِذَا مِتْنَا وَكُنَّا تُرَابًا وَعِظَامًا أَئِنَّا لَمَدِينُونَ (53) ده‌یگوت تۆ باوه‌ڕ به‌ شتی وا ده‌که‌یت؟؟. ئایا ئه‌گه‌ر بووینه‌وه‌ به‌ خاك و ئێسك، ئێمه‌ به‌ڕاست پاداشت ده‌درێینه‌وه‌؟!. پاشان ئیمانداره‌که‌ ڕوو به‌ڕووی هاوه‌ڵه‌کانی وتی: قَالَ هَلْ أَنْتُمْ مُطَّلِعُونَ (54) ئه‌رێ ئه‌وه‌ ئێوه‌ ته‌ماشایه‌ك ناکه‌ن: با بزانین ئه‌و هاوڕێم حاڵی چۆنه‌. فَاطَّلَعَ فَرَآَهُ فِي سَوَاءِ الْجَحِيمِ (55) هه‌ر که‌ سه‌یری کرد بینی وا له‌ ناوه‌ڕاستی دۆزه‌خدا گیری خواردووه‌.... قَالَ تَاللَّهِ إِنْ كِدْتَ لَتُرْدِينِ (56) ئه‌وسا پێی ووت به‌خوا خه‌ریكبوو منیش وه‌كو خۆت هه‌ڵدێریت. وَلَوْلا نِعْمَةُ رَبِّي لَكُنْتُ مِنَ الْمُحْضَرِينَ (57) خۆ ئه‌گه‌ر نیعمه‌تی هیدایه‌تی خوای په‌روه‌ردگارم نه‌بوایه‌، ئه‌وا منیش له‌ ئاماده‌بوانی ناو دۆزه‌خ ده‌بووم.

پاشان به‌خته‌وه‌ران له‌ خۆشییا ده‌ڵێن: أَفَمَا نَحْنُ بِمَيِّتِينَ (58) ئێمه‌ ئیتر نامرین ژیانمان به‌رده‌وامه‌... إِلا مَوْتَتَنَا الأُولَى وَمَا نَحْنُ بِمُعَذَّبِينَ (59) جگه‌ له‌ مردنه‌که‌ی یه‌که‌مجارمان، ئێمه‌ ئیتر هیچ ئازار و ئه‌شکه‌نجه‌یه‌کیش ناچێژین. إِنَّ هَذَا لَهُوَ الْفَوْزُ الْعَظِيمُ (60) لِمِثْلِ هَذَا فَلْيَعْمَلِ الْعَامِلُونَ (61) به‌ڕاستی ئائه‌مه‌یه‌ سه‌رکه‌وتن و سه‌رفرازی و به‌خته‌وه‌ری گه‌وره‌ و بێ سنور. سوره‌تی الصافات.

وَبَيْنَهُمَا حِجَابٌ وَعَلَى الأَعْرَافِ رِجَالٌ يَعْرِفُونَ كُلا بِسِيمَاهُمْ له‌ نێوان به‌هه‌شتی و دۆزه‌خیه‌کاندا دیوار و په‌رده‌یه‌ك هه‌یه‌، به‌سه‌ر شوێنه‌ به‌رزه‌کانیشه‌وه‌ که‌سانێكی مه‌رد هه‌ن هه‌ردوولا به‌ چاکی ده‌ناسن به‌ هۆی ناونیشانیانه‌وه‌. (کاتێك ڕووده‌که‌نه‌ به‌هه‌شت) بانگ ده‌که‌ن له‌ نیشته‌ جێکانی و ده‌ڵێن: وَنَادَوْا أَصْحَابَ الْجَنَّةِ أَنْ سَلامٌ عَلَيْكُمْ لَمْ يَدْخُلُوهَا وَهُمْ يَطْمَعُونَ (46) سه‌ڵاوتان لێ بێت. ئه‌وانه‌ هێشتا نه‌چوونه‌ته‌ ناوی به‌ڵام به‌هیوان و ئومێدیان هه‌یه‌.

کاتێکیش ڕوویان به‌ره‌و ڕووی دۆزه‌خیان وه‌رده‌چه‌رخێنن ده‌ڵێن: وَإِذَا صُرِفَتْ أَبْصَارُهُمْ تِلْقَاءَ أَصْحَابِ النَّارِ قَالُوا رَبَّنَا لا تَجْعَلْنَا مَعَ الْقَوْمِ الظَّالِمِينَ (47) په‌روه‌ردگارا مه‌مانگێڕه‌ له‌گه‌ڵ ده‌سته‌ی سته‌مکاراندا.
وَنَادَى أَصْحَابُ الأَعْرَافِ رِجَالا يَعْرِفُونَهُمْ بِسِيمَاهُمْ ئه‌وانه‌ی که‌ له‌سه‌ر شوێنه‌‌ به‌رزه‌کانن بانگی که‌سانێك ده‌که‌ن (له‌ دۆزه‌خیان) که‌ به‌ ڕواڵه‌ت و سیمایاندا ده‌یانناسن و پێیان ده‌ڵێن: قَالُوا مَا أَغْنَى عَنْكُمْ جَمْعُكُمْ وَمَا كُنْتُمْ تَسْتَكْبِرُونَ (48) داروده‌سته‌ و هێز و توانا و ماڵ و سامانتان فریاتان نه‌که‌وت؟!

پاشان پێیان ده‌ڵێن: أَهَؤُلاءِ الَّذِينَ أَقْسَمْتُمْ لا يَنَالُهُمُ اللَّهُ بِرَحْمَةٍ ادْخُلُوا الْجَنَّةَ لا خَوْفٌ عَلَيْكُمْ وَلا أَنْتُمْ تَحْزَنُونَ (49) ئایا ئه‌وانه‌ ئه‌و که‌سانهن که‌ کاتی خۆی سوێنتان ده‌خوارد ڕه‌حمه‌تی خوا نایانگرێته‌وه‌! ( ئه‌وه‌تا خوا پێیان ده‌فه‌رمووێت): ده‌بچنه‌ به‌هه‌شته‌وه‌، نه‌ ترس و بیمتان له‌ سه‌ره‌ وه‌ نه‌ غه‌م و په‌ژاره‌ش ده‌‌خۆن. سوره‌تی الأعراف.

و َنَــادَى أَصْحَابُ النَّارِ أَصْحَابَ الْجَنَّةِ  خه‌ڵکی دۆزه‌خ داوایان له‌ خه‌ڵکانی به‌هه‌شت کرد و لێیان پاڕانه‌وه‌ و وتیان أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ  نه‌ختێك ئاومان به‌سه‌ردا بڕژێنن، یان به‌شمان بده‌ن له‌و ڕزق و ڕزیانه‌ی که‌ خوا پێی به‌خشیوون. پاشان خه‌ڵکانی به‌هه‌شتیش وه‌ڵامیان دانه‌وه‌ و گوتیان: قَالُوا إِنَّ اللَّهَ حَرَّمَهُمَا عَلَى الْكَافِرِينَ (50) خوا خواردن و خواردنه‌وه‌ی به‌هه‌شتی له‌سه‌ر بێ باوه‌ڕان حه‌رام کردووه‌. سوره‌تی الأعراف.

ئاماده‌کردنی نه‌سره‌ت